İran Prezidenti öz növbəsində vurğulayıb ki, yeni Rusiya hökuməti “münasibətlərin genişləndirilməsi və konstruktiv əməkdaşlıq üçün zəmin hazırlayacaq”. İran Prezidenti, görünür, Vladimir Putini ölkəsinin rolu və əhəmiyyəti ilə bağlı qiymətləndirməyə yenidən baxmağa və ya təkmilləşdirməyə çağırır.

Bu baxımdan İran Prezidentinin Tehranın Cənubi Qafqazdakı hadisələri “həssas” qiymətləndirdiyini və strateji maraqlarını qorumağa hazır olduğunu vurğulaması maraqlıdır. Rusiyanın İranın Cənubi Qafqazdakı strateji maraqlarını harada və necə “tapdaladığını” və ya “tadalamağa hazırlaşdığını” düşünmək sadəlövhlük olardı. Məlumata görə, İran Prezidenti İlham Əliyev-Putin telefon danışığından sonra Putinlə telefon danışığı aparıb. İlham Əliyev-Putin telefon danışığının əsas təminatı tərəflərin müttəfiqlik münasibətlərini və strateji əməkdaşlığı gücləndirəcəkləridir. Belə çıxır ki, İran Azərbaycan-Rusiya yaxınlaşmasından ciddi narahatlıq keçirir.

Məlum olub ki, NATO Baş katibinin regional səfərinə paralel olaraq, Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev də Pekinə gedib. O, bu barədə şəxsi mikrobloqunda qeyd edib və Çinin xarici işlər nazirinin müavini Sun Veudon, Çin Kommunist Partiyası Mərkəzi Komitəsinin Beynəlxalq əlaqələr şöbəsinin müdir müavini Çen Cou, Şanxay Əməkdaşlıq Təşkilatı (ŞƏT) baş katibinin müavini Nurlan Yermekbayev ilə danışıqlar apardığını vurğulayıb.

İkitərəfli və ŞƏT formatında əməkdaşlığın genişləndirilməsi ilə bağlı məsələlər müzakirə edilib. Bütün bunlarla yanaşı, Azərbaycan Hörmüz boğazında Rusiya-İran-Çin birgə “Dəniz sərhədinin mühafizəsi 2024” hərbi təlimlərində müşahidəçi qismində iştirak edib. Görünür, Bakı Rusiya-Çin geosiyasi əməkdaşlığının mərkəzi kimi çıxış etməyə çalışır. Bəs bu müttəfiqlik prinsipcə İranı cilovlayacaq?

Asif Cəfərov
Ordu.az